ການສົ່ງບົດຄັດຫຍໍ້
ແລະ ບົດສະເໜີສຳລັບວາລະສົນທະນາ
ກ) ຜູ້ທີ່ມີຄວາມສົນໃຈຢາກຈະສະເໜີບົດ
ກະລຸນາສົ່ງບົດຄັດຫຍໍ້ເຖິງຄະນະກຳມະ ການຈັດກອງປະຊຸມ. ບົດຄັດຫຍໍ້ຄວນອີງໃສ່ການຄົ້ນຄວ້າແບບທົດລອງ ຫຼື ການຄົ້ນຄວ້າແບບນຳໃຊ້ທີ່ໄດ້ຖືກດຳເນີນການຢູ່ລາວ ແລະ ພົວພັນເຖິງຫົວເລື້ອງ ທີ່ໄດ້ກຳນົດໄວ້.
ຂ) ໂຄງການ ຫຼື ອົງການຈັດຕັ້ງສາກົນທີ່ສົນໃຈ ຢາກມີວາລະສົນທະນາຂອງຕົນ
ເອງ (ປະມານ 90 ນາທີ) ສາມາດສົ່ງບົດສະເໜີສຳລັບວາລະສົນທະນາ, ແລະ ກ່າວໃຫ້ຈະແຈ້ງວ່າການຄົ້ນຄວ້າກ່ຽວກັບອັນໃດ ທີ່ຈະຖືກຍົກຂື້ນມາສະເໜີ ແລະ ສົນທະນາໃນວາລະນີ້. ເນື້ອໃນຂອງ ບົດສະເໜີສຳລັບວາລະສົນທະນານີ້
ກໍ່ຄວນ ນອນຢູ່ໃນຫົວເລື້ອງ ທີ່ໄດ້ກຳນົດໄວ້.
ຈຸດປະສົງແມ່ນ
ເພື່ອເຮັດໃຫ້ນັກຄົ້ນຄວ້າວິທະຍາສາດລາວ ໄດ້ສະເໜີ
ຜົນການຄົ້ນຄວ້າຕໍ່ຜູ້ວາງນະໂຍບາຍ ແລະ
ຜູ້ຕັດສິນໃຈ. ນັກຄົ້ນຄວ້າທີ່ເປັນຄົນ
ຕ່າງປະເທດ (ຫຼື ຊ່ຽວຊານຕ່າງປະເທດ)
ຄວນຮ່ວມມືກັບນັກຄົ້ນຄວ້າຄົນລາວ
ໃນການສ້າງບົດຄັດຫຍໍ້ເພື່ອນຳສະເໜີຕໍ່ກອງປະຊຸມ.
ການສະເໜີບົດ ແມ່ນຈະເຮັດເປັນພາສາລາວ
ໂດຍຈະມີການແປເປັນພາສາຕ່າງປະເທດຢູ່ໃນກອງປະຊຸມ.
ບົດຄັດຫຍໍ້ຄວນສົ່ງເປັນພາສາລາວ ຫຼື ພາສາອັງກິດ,
ແລະ ບໍ່ເກີນ 400 ຄຳສັບ.
ບົດຄັດຫຍໍ້ຄວນປະກອບດ້ວຍເນື້ອໃນດັ່ງນີ້:
1.
ຫົວຂໍ້ຂອງບົດສະເໜີ
2.
ຊື່ຜູ້ຂຽນ,
ອົງການຈັດຕັ້ງ ແລະ ອີເມລ
3.
ເນື້ອໃນບົດຄັດຫຍໍ້:
ກ. ຄຳຖະແຫຼງບັນຫາ
ຫຼື ການອະທິບາຍເຖິງບັນຫາທີ່ພາໃຫ້ຄົ້ນຄວ້າເພື່ອຊອກທິດທາງແກ້ໄຂ.
ຂ. ການອະທິບາຍກ່ຽວກັບບົດຄົ້ນຄວ້າເອງ,
ລວມທັງຈຸດປະສົງຕ່າງໆ ແລະ ວິທີການຄົ້ນຄວ້າ.
ຄ. ຜົນໄດ້ຮັບ
ຫຼື ຜົນຂອງການຄົ້ນຄວ້າຫຼັກ.
ງ. ສະຫຼຸບຂໍ້ສະເໜີແນະ
ຫຼື ວິທີການແກ້ໄຂ.
ສຳລັບລາຍລະອຽດເພີ່ມເຕີມຂອງກອງປະຊຸມ ແລະ ຫົວຂໍ້ທີ່ກຳນົດ ກະລຸນາກົດບ່ອນນີ້
ສຳລັບລາຍລະອຽດເພີ່ມເຕີມຂອງກອງປະຊຸມ ແລະ ຫົວຂໍ້ທີ່ກຳນົດ ກະລຸນາກົດບ່ອນນີ້